 |
| Lekeitiotik Deusturako ibilbidea marraztu dugu gaur |
Ederra izan da Ricardorekin batera egin dudan ibilbidea, eguzkia ez dugu lagun izan baina tenperatura ederrak lagunduta egin dugu bidea; Lekeitiotik irten eta berehala aldapa politak igo ditugu, berotzen hasteko, Ispaster aldera.
 |
| Gaurko GPSa |
Ea, Ibarrangelu edo Natxitu igarota, itsasora hurbildu gara berriz.
Lagatik Laidarako bidea osatu eta Kanala, Kortezubi eta bestelakoak igarota Gernikara heldu gara.
Bertatik Mundaka bidera jo dugu eta Bermeo parean izan ditugu eguneko aldapa gogorrenetakoak. Horien guztiak gainditu eta apurka Bakiora hurbildu gara. Bakion tarte luzea hartu dugu tortila pintxoa eta kafetxoaz gozatzeko, Armintzarako bidea hartu aurretik.
 |
| Pintxo ederraz gozatu dugu Bakion |
Armintzara helduz batera itsasoa gertu gertu izan dugu eta gorako bidea hartu dugu berriz Gorliz, Plentzia, Barrika, Sopela aldera.
 |
| Armintza |
Berango igaro eta berehala egin dugu Algorta, Areeta, Erandio eta Deustu bitarteko bidea.
Kalearteak eta semaforoek eman digute ongi etorri apala gure herrira heltzean, Gora Deustu Herria!
GAURKOA DATUETAN: 105,6 km, 4:36 h, pilatutako 1809m